جو کہہ دیا وہ کر کے دکھانا پڑا مجھے

 جو کہہ دیا وہ کر کے دکھانا پڑا مجھے

اس دل لگی میں جان سے جانا پڑا مجھے

جس کے بغیر سانس بھی لینا محال تھا

ہائے، وہ ایک شخص بُھلانا پڑا مجھے

جیون میں کوئی اور تھا دل میں تھا کوئی اور

دونوں سے دل کا حال چُھپانا پڑا مجھے

ناراض تھی میں اس سے مگر اس کے باوجود

کالر میں اس کے پُھول سجانا پڑا مجھے

میں جس کو دیکھنے کی روادار تک نہ تھی

سر اس کے سامنے بھی جُھکانا پڑا مجھے

صغرا صدف

صغریٰ صدف