فضا میں پرندے اڑانے بہت ہیں

 فضا میں پرندے اُڑانے بہت ہیں 

شکاری یہاں کے سیانے بہت ہیں 

زمانے سے ہم کو چُھپانے بہت ہیں 

تمہیں داغ دل کے دکھانے بہت ہیں 

کنارے پہ کوئی نگینہ ملا کیا

سمندر کے اندر خزانے بہت ہیں 

یہ ان کی سبھا ہے ذرا ہوش رکھنا

قواعد ضوابط نبھانے بہت ہیں 

مسافت ادھوری نہیں چھوڑ جانا 

سفر میں مسافر ٹھکانے بہت ہیں 

فضا میں سیاہی ہنر مند پریشاں 

مِرے شہر میں کارخانے بہت ہیں 

چراغ وفا کو سنا ہے کہ عارف

مراسم ہوا سے پرانے بہت ہیں 

 

جاوید عارف