سرکار دو عالم کی یہ مرغوب غذا ہے

عارفانہ کلام نعتیہ کلام

کہتا ہے وہ جو ان پہ دل و جاں سے فدا ہے

”دہلیزِ محمدﷺ پہ عبادت کا مزا ہے“

انداز مرا اس لیے ہر اک سے جدا ہے

ہمراہ مِرے، میرے بزرگوں کی دعا ہے

پائے گا مرادیں وہی اس در سے ہمیشہ

ہر بیکس و مفلس سے جسے پیار سوا ہے

کس بات کا جھگڑا ہے یہ مابین ہمارے

جو میرا خدا ہے وہی تیرا بھی خدا ہے

میرا بھی عقیدہ ہے یہی اے مِرے یارو

مہلک ہے جو درد اس کی دوا خاکِ شفا ہے

جو دین کے دشمن ہیں بکنگ ان کی ہے پہلے

ہر آن جہنم کے لبوں پر یہ صدا ہے

شہد اور کھجور اس لیے کھاتا ہوں رضی میں

سرکارِ دو عالمﷺ کی یہ مرغوب غذا ہے

رضی امروہوی