چاک دامن کو ہم نے سیا ہی نہیں

 چاک دامن کو ہم نے سِیا ہی نہیں

زندگی تُو نے دھاگا دیا ہی نہیں

جو مِرے ساتھ شانہ بشانہ رہا

ایسے بچھڑا کہ پھر وہ ملا ہی نہیں

اس نے غم بھی تو مجھ سے ہیں واپس لیے

کوئی جینے کا اب آسرا ہی نہیں

وہ مِرے ساتھ ہو کر بھی میرا نہ تھا

پیار میں اس سے بڑھ کر سزا ہی نہیں

اپنے اندر ہی اندر ہیں الجھے رہے

ہمنواؤں سے مجھ کو گِلہ ہی نہیں

اس کو معلوم بھی ہے کہ مر جائیں گے

وہ بچھڑتے ہوئے سوچتا ہی نہیں

اس نے جاتے ہوئے مجھ سے اتنا کہا

اپنے مابین تو کچھ بچا ہی نہیں

عشق کو رمز نے اتنا آساں کیا

یوں لگا ہے کہ جیسے ہوا ہی نہیں

ہم نے دی ہیں صدائیں بہت سی مگر

ایک وہ ہے کہ کچھ بولتا ہی نہیں

جس کو پالا ہے دے دے کے اپنا لہو

آج میری طرف دیکھتا ہی نہیں

عجیب ساجد