واعظ خوش بیاں
ایک احسان کر
اپنے جوشِ خطابت کا رُخ موڑ دے
پھیلتی جا رہی ہے جو نفرت اسے
اپنا موضوع بنا
اپنا جادو دکھا
ایسی نفرت پہ کوئی کڑا وار کر
اس کو مسمار کر
اپنے لہجے سے
آواز کے سحر سے
باہمی بھائی چارے کی بنیاد رکھ
ہر تعصب سے احساس کو پاک کر
کوئی جادو دکھا
پھیلتا جا رہا دھواں ہر طرف
جل رہا ہے چمن
چار سُو آگ ہے
واعظِ خوش بیاں اپنے ماحول کو
اپنے پیارے وطن کی بقا کے لیے
آندھیوں سے بچا
بے اماں زندگی میں کسی طور اب
زندہ رہنے کی کوئی ادا عام کر
پھر سے درسِ محبت کی تشہیر کر
مل کے رہنے کا کوئی ہنر بخش دے
واعظ خوش بیاں
نغمگی بخش دے
یوسف خالد
No comments:
Post a Comment