جہاں کے سارے حسین چہرے مری نظر کے حصار میں ہیں

 جہاں کے سارے حسین چہرے مِری نظر کے حصار میں ہیں

گلوں سے بھی دلنشین چہرے مِری نظر کے حصار میں ہیں

وہ جن کی خوش بختیوں پہ دنيا کے لوگ کر نے لگے ہیں عش عش

ہاں ایسے روشن جبین چہرے مِری نظر کے حصار میں ہیں

وہ جن کی پاکیزگی کی قسمیں اٹھا رہے ہیں جہان والے

وہ سارے گوشہ نشین چہرے مِری نظر کے حصار میں ہیں

وہ جن کے دیدار کی مہک سے مہک رہی ہے ہزاروں آنکھیں

وہ عنبریں عنبریں چہرے مِری نظر کے حصار میں ہیں

تِری طرح وہ جو اک نظر میں میری نظر میں سماگئے تھے

خصوصیت سے وہ تین چہرے مِری نظر کے حصار میں ہیں

وہ جن کی آنکھوں میں خار بن کر مِری محبت کھٹک رہی ہے

اسد! کچھ ایسے کمین چہرے مِری نظر کے حصار میں ہیں

اسد ہاشمی