دشتِ سفر میں اتنی تو معجز نمائی دے
منزل قریب تر مجھ کو دکھائی دے
قوسِ قزح کے رنگ مِری زندگی میں گھول
کہہ دے غمِ حیات سے مجھ کو رہائی دے
اتنا تو ربط چاہیے دونوں کے درمیاں
جب نام لوں تمہارا، تمہیں بھی سنائی دے
تقدیر میں لکھا ہے کہ دستورِ وقت ہے
نیکی کروں میں جس سے پلٹ کر برائی دے
شاید ہے میری آنکھ بھی اس کیمرے کی آنکھ
باطن ہر ایک شخص کا جس میں دکھائی دے
سوئی ہوں رات رات بھر آنکھوں کو کھول کر
منظر کوئی حسین سا شاید دکھائی دے
اب تو جو حرف شعر میں بھر جائے آگ سی
ہونٹوں کو ایسے قوتِ شعلہ نوائی دے
رجب چوہدری
No comments:
Post a Comment