رائیگاں مانگتا ہے اپنا زیاں مانگتا ہے

 رائیگاں مانگتا ہے اپنا زیاں مانگتا ہے

مانگنا چاہیۓ جو دل کو کہاں مانگتا ہے

جذبۂ عشق بھی کیا کیا نہیں مانگا کرتا

یہ کبھی دل تو کبھی جسم سے جاں مانگتا ہے

اک کھلونے سے بہلتا ہی کہاں ہے یہ دل

یہ جو بچہ ہے کھلونوں کی دُکاں مانگتا ہے

تجھ سے انصاف کی امید نہیں ہے، لیکن

کچھ نہ کچھ کہنے کو مفلس بھی زباں مانگتا ہے

روشنی چاہیۓ فرحت کو ستاروں جیسی

دل مِرا بجھتے چراغوں کا دھواں مانگتا ہے

فرزانہ فرحت