چشمِ پُر نم سے رواں ہیں جو دہکتی بوندیں
کتنی آوارہ ہیں گالوں پہ ٹپکتی بوندیں
مجھ کو برسات کے موسم میں رُلا جاتی ہیں
چشمِ پُر نم میں مقید وہ بلکتی بوندیں
میری خلوت میں اٹھا دیتی ہیں طوفاں کوئی
چھیڑتی جب ہیں دریچے سے جھلکتی بوندیں
میرے جذبات میں اک آگ لگا جاتی ہیں
تیری دھڑکن کی صداؤں میں دھرکتی بوندیں
نامکمل سی مِری ذات بکھر جاتی ہے
مرمریں ہاتھ سے دیکھوں جو سرکتی بوندیں
جب بھی بھنورا کوئی کلیوں کے لبوں کو چومے
میرے دامن میں سمٹتی ہیں سسکتی بوندیں
مدتوں بعد یہ گلشن کے مناظر دیکھے
تھی وہ برسات یا کلیوں پہ بہکتی بوندیں
کل جو بارش میں کہیں بھیگ کے آئے تھے ناصر
زلفِ مُشکیں میں گہر تھے کہ چمکتی بوندیں
ناصر سلیم
No comments:
Post a Comment