سوچ کے خود ہی بتائیں یہ بتانے والے
تُو نے سیکھے ہیں جو انداز زمانے والے
آدھے رستے سے پلٹنے کی اذیت کیا ہے
تُو نے سوچا ہی نہیں ہاتھ چھڑانے والے
تجھ پہ اس وقت کھلے گا کہ اذیت کیا ہے
تجھ سے جب روٹھ گئے تجھ کو منانے والے
تُو جو کہتا تھا کہ؛ تُو وقت بدل دے گا مِرا
لے کے آ سکتا ہے تُو دن وہ سہانے والے
دُکھ پرانا میں نئے لوگوں سے کیسے بانٹوں
کاش مل جائیں کہیں لوگ پرانے والے
مالا راجپوت
No comments:
Post a Comment