اک تماشا کار الفت دلبرانہ تم نہ سمجھے
رقص بسمل کرچیوں پر وحشیانہ تم نہ سمجھے
سرکشی جس کی ہے فطرت بے رخی جس کی ہے عادت
آن بیٹھی روبرو کیوں عاجزانہ تم نہ سمجھے
تم نہ مانے کیوں نہ جانے ہم دیوانے سوچتے ہیں
تن سے لپٹی جب اداسی والہانہ تم نہ سمجھے
تم قصیدہ پڑھنے والے ہم غزل گو یار دیکھو
بزم جاناں شوق نغمہ شاعرانہ تم نہ سمجھے
تم پہ لکھتی تھی جو غزلیں تم پہ رہتی تھی مہرباں
ایک لڑکی نوجواں سی عاشقانہ تم نہ سمجھے
صلہ سندھو
No comments:
Post a Comment