نہ تھا دل عالمِ ارواح میں گر یار سمدھن کا
تو کیوں رہتا ہے ہر دم طالبِ دیدار سمدھن کا
جھروکے سے نظر بازوں کو چھپ کر سیر کرتی ہے
ہوا ہے یار شاید اب کوئی عیار سمدھن کا
مقوی ہو دلِ عشاق کو سیبِ ولایت کیا
میسر ہو اگر بوسہ کوئی رخسار سمدھن کا
شہیدی عشق کو ہو زندگئ جاوداں حاصل
لگے گر زخم تیغِ ابروئے خمدار سمدھن کا
میسر خواب میں ہوتا نہیں دیدار غیروں کو
ہوا ہے چیت رام از بسکہ یار غار سمدھن کا
جعفر زٹلی
No comments:
Post a Comment