جب تک ہیں مرے قلب کے آزار سلامت

 جب تک ہیں مِرے قلب کے آزار سلامت

تب تک ہیں مگر شوق کے آثار سلامت

اس دور میں دیکھی ہے عجب ہم نے خدائی

زاہد ہی سلامت ہے؛ نہ مۓ خوار سلامت

حیراں ہیں عنادل کہ کہاں جائیں؛ کہ اب تو

نہ دشت سلامت ہے،۔ نہ گلزار سلامت

وہ قوم سلامت نہیں رہتی ہے بہت دیر

جس قوم کے رہ جائیں نہ افکار سلامت

وہ فلسفی ٹھہرے کہ نہ سمجھیں گے مِری بات

میں حق پہ رہا؛ میری بھی تکرار سلامت

چرچے ہیں جنوں کے مِری شوریدہ سری سے

صدقے میں مِرے قتل کے ہے دار سلامت

باقی ہے ہمی سے روش شور و بغاوت

ہم نے ہی رکھی رونقِ دربار سلامت

یحییٰ خان یوسفزئی