لپٹا ہوا گلے میں تھا جو ہار کی طرح
چُبھتا ہے مجھ کو اب وہ کسی خار کی طرح
سب سال میری زندگی کے ساتھ لے گیا
وہ ہاتھ مجھ سے کر گیا فنکار کی طرح
اس عشق نے تو اینٹیں مِری سب ادھیڑ دیں
میں گر رہا ہوں گُنبدِ مِسمار کی طرح
کہنے کو خیر خواہ ہیں مِرے یار سب یہاں
موقع ملے تو چھوڑ دیں لاچار کی طرح
رستے سبھی محبتوں کے خار سے ہیں پُر
عاجز سجاٸیں گے انہیں گلزار کی طرح
الیاس عاجز
No comments:
Post a Comment