اسیرِ دست الفت تھا،۔ اسیرِ حکمِ جاں ہے اب
کسی کا وعدۂ فردا مجھے یوں رائیگاں ہے اب
انیسِ جاں کبھی جو تھا، انیسِ جانِ جاں ٹھہرا
ہمارا رازداں تھا جو، تمہارا رازداں ہے اب
محبت عیشِ کامل تھی، جنہیں پہلوئے خوباں میں
انہیں فرقت کے لمحوں میں محبت امتحاں ہے اب
تمہارا عشقِ صادق ہے فقط اک کارِ لاحاصل
یہ یکطرفہ کہانی ہے، فقط جی کا زیاں ہے اب
کبھی اِذنِ حضوری تھا جنہیں درگاہِ مرشد پر
انہیں ممنوعِ خیال و ذکرِ سنگِ آستاں ہے اب
محمود اظہر
No comments:
Post a Comment