چاندنی رات ہے اور تنہائی ہے
مجھ سے رُوٹھا ہوا میرا ہرجائی ہے
وہ کسی اور کا ہے مجھے کیا گلہ
میرے حصے میں تقدیر کیا لائی ہے
میں سمندر کی لہروں سے ٹکرا گیا
زخم دل نے مِرے یوں شفا پائی ہے
زلفِ جاناں ہو یا شب ہو مدراس کی
دِیدنی میرے دل کی شکیبائی ہے
اس نے آنکھوں میں دیکھا نہیں ڈوب کر
بحرِ ہندی سے کچھ کم نہ گہرائی ہے
دیکھ کر میں یہ حیرت زدہ رہ گیا
آج حیدر کی فطرت بھی مسکائی ہے
حیدر ندوی
No comments:
Post a Comment