وینٹیلیٹر جسم کو نقلی سانسوں سے بھرتا تھا
میں زندہ تھا اخراجات کے بوجھ تلے مرتا تھا
سڑک پہ پیلے پیلے بیریر سب کا رستہ روکیں
لیکن میں چلنے کا رسیا رکنے سے ڈرتا تھا
دھرنے پہ بیٹھنے والے پاگل پچھڑی ذات کے تھے سب
ڈی ایس ایل آر والا بس فوٹو سیزن کرتا تھا
اک تصویر میں لہرایا نیلی ساڑی کا پلو
ایک دوانہ اس تصویر پہ می رقصم کرتا تھا
رات کے ساتھ جو بات گزرتی شام کو واپس لاتا
شام ڈھلے سے رات گئے تک روز یہی کرتا تھا
شیکسپئیر نے جو لکھا ہے اس کی اپنی قیمت
میں تھا اردو والا آغا حشر کا دم بھرتا تھا
رات کے دل میں جھانکتے جھانکتے رات گزرتی ساری
صبح الارم سن لیتا تھا پھر بستر کرتا تھا
خود کو نطشہ زادہ کہتا پر سونے سے پہلے
انگریزی میں کرسی پڑھ کر خود پر دم کرتا تھا
اسامہ ذاکر
No comments:
Post a Comment