شاہیں صفت یہ تیرے جواں (ہوا بازِ وطن)
شاہیں صفت یہ تیرے جواں اے فضائے پاک
ان غازیوں پہ سایہ فگن ہے خدائے پاک
شاہیں صفت یہ تیرے جواں اے فضائے پاک
سینوں میں صبر و ضبط و سکونو رضاکا نور
چہروں پہ لطف و مہر و خلوص و وفا کا نور
پیشانیوں پہ جذبۂ بے انتہا کا نور
آنکھوں میں اعتماد و یقیں کی ضیاء کا نور
شاہیں صفت یہ تیرے جواں اے فضائے پاک
ان غازیوں پہ سایہ فگن ہے خدائے پاک
ملت کو کر دیا سر افرازمرحبا
یہ حوصلہ یہ عزم یہ اعجاز مرحبا
شاہین بچوں کی جرأتِ پرواز مرحبا
کوئے بتاں میں گونج رہی ہے صدائے پاک
شاہیں صفت یہ تیرے جواں اے فضائے پاک
ان غازیوں پہ سایہ فگن ہے خدائے پاک
اپنے فضائیہ کا ہے جاہ جلال کیا
گزرے ادھر سے سایۂ باطل سوال کیا
پر بھی جو مار جائے کسی کی مجال کیا
طیارے ہائے پاک سرِ خطۂ ہائے پاک
شاہیں صفت یہ تیرے جواں اے فضائے پاک
ان غازیوں پہ سایہ فگن ہے خدائے پاک
شاہیں صفت یہ تیرے جواں اے فضائے پاک
رئیس فروغ
No comments:
Post a Comment