عارفانہ کلام حمد نعت منقبت
جسے حسینؑ کا بابا سمجھ نہیں آتا
وہ جان لے اسے کعبہ سمجھ نہیں آتا
ہیں جس کے مولا محمدؐ ہیں اس کے مولا علیؑ
تجھے نبیﷺ کا یہ جملہ سمجھ نہیں آتا
عجب ہے حافظِ قرآں ہے یاد ساری کتاب
مگر کتاب کا نقطہ سمجھ نہیں آتا
انہی سے بغض انہی پر درود پڑھتے ہو
تمہارا دیں کو چھپانا سمجھ نہیں آتا
طوافِ جائے ولادت خدا کی مرضی ہے
تجھے تو آج بھی کعبہ سمجھ نہیں آتا
یزیدیت کو جو ٹکڑوں پہ پل رہے ہیں انہیں
کبھی علیؑ کا قصیدہ سمجھ نہیں آتا
سمجھ میں آتا ہے وہ چاند پر پہنچ جانا
مگر "سلونی" کا نعرہ سمجھ نہیں آتا
علیؑ علیؑ ہے تُو اصغرؑ کو دیکھ لے الطاف
کہ اس گھرانے کا بچہ سمجھ نہیں آتا
سید الطاف حسین کاظمی
No comments:
Post a Comment