سالِ رفتہ کی حکایت کربلا سے کم نہ تھی
زندگانی نسلِ آدمؑ پہ بلا سے کم نہ تھی
خون کے دریا کی لہروں میں بشر غرقاب تھا
وقت کی رفتار گویا بد دعا سے کم نہ تھی
پھِر رہے ہیں حکمراں کشکول لے کر در بدر
ہر طرف خونیں بھنور ہر سمت چیخوں کے عذاب
موجِ گل بھی اب کے دوزخ کی ہوا سے کم نہ تھی
معبدوں میں جن کے ایماء پر لہو چھڑکا گیا
ان کے خال و خد کی رونق پارسا سے کم نہ تھی
ظلم کے عفریت نے شہروں کو ویراں کر دیا
یوں تو بربادی جہاں میں ابتدا سے کم نہ تھی
جانے کس گردابِ ظلمت میں ڈبویا ہے انہیں
جن کی روشن رہنمائی ناخدا سے کم نہ تھی
خیال امروہوی
No comments:
Post a Comment