وہ چشمِ میگوں جامِ محبت
وہ خاص کیفِ عام محبت
بدنام ہونا، نامِ محبت
ناکامیاں ہیں کامِ محبت
دوشِ ہوا پر گیسوئے رقصاں
زنجیرِ پائے موجِ صبا ہے
خوشبوئے گیسو دامِ محبت
اپنی محبت مقصود اپنا
ناکام ہیں، ناکامِ محبت
پیارے پیارے نام ہیں دل کے
طورِ تجلی، بامِ محبت
رہن محبت اسبابِ ہستی
نقدِ دل و جاں دامِ محبت
وہ رُوۓ رنگیں وہ زلفِ شبگوں
صبحِ محبت، شامِ محبت
معنی ازل کے مطلب ابد کا
صبحِ محبت، شامِ محبت
مسلک، ذہیؔنِ تاجی ہمارا
تعظیمِ دل، اکرامِ محبت
ذہین شاہ تاجی
محمد طاسین فاروقی
No comments:
Post a Comment