وہ جس کا رنگ سلونا ہے بادلوں کی طرح
گِرا تھا میری نگاہوں پہ بجلیوں کی طرح
وہ "روبرو" ہو تو شاید "نگاہ" بھی نہ اٹھے
جو میری آنکھ میں رہتا ہے رتجگوں کی طرح
چراغِ "ماہ" کے "بجھنے" پہ یہ ہوا محسوس
وہ آندھیاں ہیں کہ دل پر تمہاری "یادوں" کے
نشاں بھی مٹ گئے صحرا کے راستوں کی طرح
قریب آئے تو "گم کردہ" رہ دکھائی دیئے
جو دور سے نظر آتے تھے منزلوں کی طرح
ہر اک نظر کی "رسائی" نہیں کہ دیکھ سکے
ہجوم رنگ ہے خاروں میں بھی گلوں کی طرح
نہ جانے کیسے سفر کی ہے آرزو دل میں ؟
میں اپنے گھر میں پڑا ہوں مسافروں کی طرح
میں دشت درد ہوں یادوں کی نکہتوں کا امیں
ہوا تھمے تو "مہکتا" ہوں گلشنوں کی طرح
اسی کی دھن میں چٹانوں سے سر کو ٹکرایا
وہ اک خیال کہ نازک تھا آئینوں کی طرح
صادق نسیم
No comments:
Post a Comment