فنا کے رنگ ہر اک شاخ پر دھرے ہوں گے

 فنا کے رنگ ہر اک شاخ پر دھرے ہوں گے 

یہ پیڑ لگتا نہیں ہے کبھی ہرے ہوں گے 

ہم اہلِ عشق کی پہچان ہے بڑی آسان 

بدن اداسی بھرے چہرے کُھردرے ہوں گے 

تمہارے چاہنے والے اگر گنے گئے تو 

ہم ان میں پہلے نہیں ہیں تو دوسرے ہوں گے 

بڑے کٹھن تھے محبت کے آخری ایام 

بچھڑنے والے بچھڑتے ہوئے ڈرے ہوں گے 

یہ خواب اور یہ آنسو سنبھال کر رکھنا 

یہ کھوٹے سکے کبھی دیکھنا کھرے ہوں گے

فقیہہ حیدر