عارفانہ کلام نعتیہ کلام
نظر سے لوحِ دل پہ کچھ عبارتیں لکھی گئیں
برنگِ نور، سرخوشی کی ساعتیں لکھی گئیں
بیادِ شہر مصطفیٰؐ کبھی جو آنکھ نم ہوئی
اس اک گھڑی میں نعت کی اجازتیں لکھی گئیں
محبتوں کو میں نے صرف اُنؐ کے نام کر دیا
تو پھر مِرے نصیب میں محبتیں لکھی گئیں
تِرےﷺ لیے تو زندگی کو زندگی کیا گیا
تِرے لیے تو مصحفوں میں سورتیں لکھی گئیں
مِرے سخی کی بخششیں کوئی شمار کر سکا
کسی سے کب حضورؐ کی عنایتیں لکھی گئیں
مسعود اختر
No comments:
Post a Comment