مقتل سجا کے آج سرِ دار آئے ہیں
جاں تجھ پہ وار کرنے تِرے دلدار آئے ہیں
اک صبحِ نو کی چاہ میں ہو کر لہو لہو
کچھ لوگ بن کے نقش بہ دیوار آئے ہیں
مدت کے بعد کوچۂ دل بستگاں میں ہم
دل میں چھپائے حسرتِ دیدار آئے ہیں
آوارگئ شوق کی رُسوائیاں لیے
اے عشق! دیکھ تیرے گنہگار آئے ہیں
دستِ طلب کُشا نہ ہوا بزمِ یار میں
کشکول لے کے یوں تو کئی بار آئے ہیں
جو ہر قدم پہ حیا تجھ سے سرگرداں رہے
وہ آج بن کے تیرے پرستار آئے ہیں
ثریا حیا
No comments:
Post a Comment