نگاہ میں جمال اُس کا آتے آتے رہ گیا
کہ ہاتھ یہ کمال اُس کا آتے آتے رہ گیا
اگرچہ اُس کے چھوڑ جانے کی خوشی نہ تھی مگر
سرِ مژہ ملال اُس کاآتے آتے رہ گیا
نہ دے سکوں گا میں جواب اس کو ،اس گمان سے
زبان پر سوال اُس کا آتے آتے رہ گیا
غمِ جہاں عجیب ہے کہ لاکھ کوششوں پہ بھی
بہت دفعہ خیال اُس کا آتے آتے رہ گیا
ہزار منزلیں تھیں اُس کے ہجر کی جو طے ہوئیں
پہ جادۂ وصال اُس کا آتے آتے رہ گیا
کاشف رحمان
No comments:
Post a Comment