در بیخودی کا اس لیے کھولا نہیں ابھی
اک قفلِ آگہی ہے جو توڑا نہیں ابھی
ویسے تو صبح ہو چکی، میں جاگ بھی گیا
لیکن کسی کے خواب سے لوٹا نہیں ابھی
جاتے ہوئے وہ مُڑ کے نگاہیں ملائے گا
اُس کو اسی اُمید پہ روکا نہیں ابھی
جب بھی ملا تو سینے سے لگ کر وہ روئے گا
میں بھی اسی خیال سے رویا نہیں ابھی
ایسا نہیں کہ اس کے بِنا مر ہی جاؤں گا
لیکن جیوں گا کیسے یہ سوچا نہیں ابھی
فیصل فارانی
No comments:
Post a Comment