عارفانہ کلام منقبت سلام
مِرے ضمیر کی چھت پر علم حسینؑ کا ہے
یہی سبب ہے کہ دل میں الم حسینؑ کا ہے
ہے دین کیا تِرا، مجھ سے اگر کوئی پوچھے
کہوں گا فخر سے میرا دھرم حسینؑ کا ہے
نہیں بنائی مِرے رب نے دوسری جنت
مگر زمانے میں ہاں اک حرم حسینؑ کا ہے
پِسر کے سر کو اٹھا کر جو دُور پھینکا ہے
یہ عشق وہب کی مادر میں ضم حسینؑ کا ہے
نہ کر نصیب کا شکوہ یہیں سے مانگ کہ بس
یہ عرش و فرش یہ لوح و قلم حسینؑ کا ہے
عجیب بات ہے پیاسے رہے حسینؑ، خدا
اگرچہ دنیا میں ہر ایک یم حسینؑ کا ہے
کہاں حسینؑ کی مدحت کہاں علی سلطان
مِرا قلم یہ سخن سب کرم حسینؑ کا ہے
علی سلطان
No comments:
Post a Comment