عارفانہ کلام نعتیہ کلام
با ادب جس نے بھی ہے شہرِ مدینہ دیکھا
اس نے دنیا میں ہی جنت کا ہے رستہ دیکھا
سر کی آنکھوں سے نہ یہ پوچھو ہے کیا کیا دیکھا
نور کا مینہﷺ مدینے میں برستا دیکھا
انؐ کے آنے سے یہ قدرت کا کرشمہ دیکھا
نور آقاﷺ کا جوانب میں بکھرتا دیکھا
چوم کر آئے ہو ان جالیوں کو نظروں سے
حاجیو! تم نے شہنشاہﷺ کا روضہ دیکھا
شاہ ہو چاہے گدا سب ہیں بھکاری در پر
آقاﷺ کے در پہ نہ خالی کوئی کاسہ دیکھا
غم ستانے لگے دنیا کے بہت زیادہ جب
ذکر سے مصطفٰیؐ کے دل کو سنبھلتا دیکھا
حاضری کے لیے جو روضۂ اقدس پہنچے
ان کی نظروں سے عقیدت کو ٹپکتا دیکھا
مسعودہ ریاض
No comments:
Post a Comment