اے نوا پرداز گل سرمایہٴ گلشن ہے تو

 اے نوا پردازِ گل، سرمایہٴ گلشن ہے تُو

جس میں لاکھوں بجلیاں سوتی ہیں وہ ایمن ہے تو

اے تِرا سوزِ دروں ہے عزتِ فصلِ بہار

اے تِرا جوشِ جنوں ہے بانئ لیل و نہار

تیرے خوں سے فیض پاتا ہے نہالِ زندگی

تُو جمالِ زندگی ہے، تُو کمالِ زندگی

اٹھ کہ صبحِ نو سے، دیوارِ چمن زرپوش ہے

اٹھ کہ مہر نور افشاں گل سے ہم آغوش ہے

دیدہٴ باطل نے لُوٹا ننگ و نامِ کائنات

قید ہو کر رہ گیا کیفِ دوام کائنات

ظلمتِ اوہام سے دست وگریباں ہے حیات

آہ کیوں خیمہ زنِ کوہ و بیاباں ہے حیات

وقت آیا ہے کہ تُو ہو زمزمہ سازِ چمن

تُو بنا سازِ چمن ہے تُو ہے سرافراز چمن

کاشف الہاشمی