عارفانہ کلام حمد نعت منقبت
ہر زمانے کا انتساب حسینؑ
بولتا سرُخ انقلاب حسینؑ
جس کا صدیوں نے انتظار کیا
اس رسالت کی آب و تاب حسینؑ
حرف تسلیم کے مصلے پر
سجدہ عشق کا شباب حسینؑ
اپنے اثبات کے دلائل میں
رب کا بے مثل انتخاب حسینؑ
ہر زمانے کے رحل پر رکھی
فکر کی عالمی کتاب حسینؑ
میری ہر شامِ آگہی زینبؑ
میری صبحوں کا اضطراب حسینؑ
لکھ دیا سرخ روشنائی سے
آزمائش کا ہر نصاب حسینؑ
بندگی کے سوال تھے کتنے
رب پُکارا میرا جواب حسینؑ
معصومہ شیرازی
No comments:
Post a Comment