عارفانہ کلام حمد نعت منقبت
اتنا سرکار کرم مجھ پہ خدا را کرنا
شہر طیبہ میں بلانے کا اشارہ کرنا
مجھ کو دولت کی تمنا، نہ ہوس دنیا کی
جب سے سیکھا تِرے ٹکڑوں پہ گزارا کرنا
میں گناہوں کے سمندر میں ہوں ڈوبا آقاؐ
مجھ سے ہوتا نہیں عصیاں سے کنارہ کرنا
لاکھ بدکار سہی، ہوں میں تمہارا ہی گدا
حق تو میرا بھی ہے رحمت کا تقاضا کرنا
جب بھی قسمت سے ہو طیبہ تِرا جانا کوثر
راہ طیبہ کو تُو پلکوں سے بہارا کرنا
کوثر رضا برکاتی
No comments:
Post a Comment