عارفانہ کلام حمد نعت منقبت
ہے عشقِ شاہ مدینہﷺ کا آئینہ محفوظ
کہاں سے ہو گا کوئی دل میں دوسرا محفوظ
تنی ہے چادر رحمتِ رسول اکرمﷺ کی
جو اس کے سائے میں آیا وہ ہو گیا محفوظ
حضورﷺ چاہیں تو ایمان کے لُٹیروں سے
جہان قلب کا ہو جائے راستہ محفوظ
ردائے فاطمہ زہراؑ کے واسطے مولیٰ
ہمارے دل میں رہے عشق مصطفیٰؐ محفوظ
دُکان چاروں طرف ہے لگی گناہوں کی
اُٹھا حضورؐ کے صدقے مجھے خدا محفوظ
مٹانے والے جتنے وہ مٹ گئے خود ہی
ابھی بھی رب کا ہے قرآں میں قاعدہ محفوظ
دُعائیں ماں کی تِرے ساتھ ساتھ ہیں کوثر
تمام رنج و بلا سے جو تُو ہُوا محفوظ
کوثر رضا برکاتی
No comments:
Post a Comment