عارفانہ کلام حمد نعت منقبت
در مدح ابا عبداللہ الحسینؑ
لکھتی رہوں میں مِدحتِ شبیرؑ حشر تک
کرتی رہوں گی نصرتِ شبیرؑ حشر تک
مر جاؤں کرتے کرتے میں مدح شبیرؑ حشر تک
باقی رہے یہ اُلفتِ شبیرؑ حشر تک
کرب و بلا میں قبر میں محشر کے روز بھی
ملتی رہے گی صحبتِ شبیرؑ حشر تک
ممکن نہیں کہ حق سے کبھی منہ کو موڑ لوں
اپناؤں گی میں سیرتِ شبیرؑ حشر تک
بیعت طلب کو خاک میں ایسے مِلا دیا
رکھے گا یاد طاقتِ شبیرؑ حشر تک
دیوان اُن کے روبرو اپنا سُناؤں گی
دیکھوں گی یُوں میں صورتِ شبیرؑ حشر تک
دلشاد مدح ان کی کروں گی تمام عمر
یارب کروں گی خدمتِ شبیرؑ حشر تک
شگفتہ دلشاد
No comments:
Post a Comment