ہنستا رہتا ہوں میں سب جھُوٹ کے کرداروں پر
اک نظر پڑتی ہے جب صُبح کے اخباروں پر
دیکھنے والوں نے کب کان دھرے، چلتے بنے
کوئی آواز 🕬 بناتا رہا فن پاروں پر
وصل کی آگ ہی اب ہم کو بچا سکتی ہے
برف اب جمنے لگی ہجر کے کُہساروں پر
اب کوئی شخص نکلتا نہیں گھر سے باہر
لوگ ڈرتے ہوئے جاتے نہیں تہواروں پر
نسبتِ حضرتِ عباسؑ کا انعام ہیں یہ
گُل دُعاؤں کے برستے ہیں وفا داروں پر
محمد علی ایاز
No comments:
Post a Comment