عارفانہ کلام حمد نعت منقبت
در مدح مولیٰ علیؑ
گلِ ریاضِ امامت علیؑ جنابِ علیؑ
ہے چیدہ پھول گلوں میں یہی گلاب علیؑ
عطا میں فردِ شجاعت میں لا جواب علیؑ
جوﷺ منتخب ہیں بشر ان میں انتخاب علیؑ
رسولِ پاکؐ جو خورشید ہیں قمر ہیں علیؑ
نبیؐ کی قوتِ بازو علیؑ، سپر بھی علیؑ
جنابِ فاطمہ بنتِ اسد کے لال علیؑ
جہاں میں بعدِ محمدﷺ کے بے مثال علیؑ
ہر ایک علم میں کامل علیؑ، کمال علیؑ
نبیؐ کے خاص تو منظورِ ذوالجلال علیؑ
یقین جانیے بھاری اس کا پلا ہے
کہ جس کو حیدرِ کرّار سے تولّا ہے
علیؑ حبیبِ خدا، ایلیا علیؑ عابد
علیؑ شہید، علیؑ شاہِ دیں، علیؑ شاہد
علیؑ تقی و علیؑ مُتقی، علیؑ قاعد
علیؑ وحید، علیؑ حامد و علیؑ واحد
جو کہہ گئے ہوں یہ کیا ہے نجانے کیا کہتے
خدا کا ڈر ہے علیؑ کو نہیں خدا کہتے
دیوی روپ کماری
No comments:
Post a Comment