عارفانہ کلام حمد نعت منقبت
عشق ہے مصطفیٰؐ کا سینے میں
ہے مزہ اس لیے ہی جینے میں
خواب دیکھے ہیں جو مدینے کے
پورا پر خواب ہو مدینے میں
آپﷺ کے در کا ہوں گدا ورنہ
اور خوبی نہیں کمینے میں
ایسی خوشبو نہیں ہے کلیوں میں
مصطفیٰؐ کے ہے جو پسینے میں
خاکِ پائے رسولﷺ میں جو ہے
بات وہ ہے کہاں نگینے میں
مصطفیٰؐ پر درودﷺ پڑھتا ہوں
ہے جو برکت مِرے خزینے میں
جو مدینے کو ہے چلا شہباز
نام میرا ہو اس سفینے میں
شہباز ماہی
No comments:
Post a Comment