عارفانہ کلام حمد نعت منقبت
یہ تو عمرِ جاوداں بتلائے کیسے بڑھ گئے
وقت پیچھے رہ گیا شبیرؑ آگے بڑھ گئے
یہ تو حق کی معرفت سے پوچھنے کی بات ہے
کیوں جہاں میں کربلا والوں کے رتبے بڑھ گئے
اب نہ ایسا معرکہ دیکھے گی چشمِ کائنات
تیر اُدھر نکلے ادھر بچوں کے سینے بڑھ گئے
کتنی ہمت آفریں تاثیر ہے اس نام میں
یا حسینؑ آیا لبوں پر اور کلیجے بڑھ گئے
یہ جگہ وہ ہے جہاں صدیوں سے لمحے بڑھ گئے
لے کے اب چاند تاروں کو نکل آئے حسینؑ
جب جفا کاروں کے قد سے ان کے سائے بڑھ گئے
تیر کھا کر مسکرانا، زخم کھا کر جھومنا
جان دینے میں جواں مردوں سے بچے بڑھ گئے
اے غلامانِ شہیدِ کربلا تم پر سلام
مرتبے والوں میں کیا آئے کہ رتبے بڑھ گئے
وحیدالحسن ہاشمی
No comments:
Post a Comment