عارفانہ کلام حمد نعت منقبت
نسل در نسل چلی شہ کی عزا ایک سے ایک
آئینہ خون کے رشتوں کا ڈھلا ایک سے ایک
سارے بچھڑے ہوئے آئے ہیں محرّم کرنے
سال بھر اُجڑا ہوا گاؤں بسا ایک سے ایک
اک محمدﷺ کا چچا، ایک سکینہ کا چچا
ہیں نبوت کے گھرانے میں چچا ایک سے ایک
کس قدر ایک ہیں سلمان، ابوذر، مقداد
کبھی کرتے نہیں شکوہ گلا ایک سے ایک
آل و قرآن کا رشتہ بھی عجب رشتہ ہے
ہو نہیں سکتے یہ آپس میں جدا ایک سے ایک
غم سرورﷺ کی زبانیں ہیں انیس اور دبیر
کربلا بولی تو لہجہ بھی ملا ایک سے ایک
عباس رضا نیر
No comments:
Post a Comment