عارفانہ کلام حمد نعت منقبت
جو جانا چاہے چلا جائے اُٹھ کے خیمے سے
یزید وقت کی جنگ ہے مِرے قبیلے سے
میں ایک آیۂ تمہید ہوں مگر دنیا
مجھے نکال رہی ہے نئے صحیفے سے
تُو مجھ سے بیعتِ باطل طلب نہ کر کہ کبھی
مِری بنی نہ بنے گی تیرے سقیفے سے
بلا رہا ہے مِرا دشت سو میرے آقاﷺ
میں جا رہا ہوں قبیلہ لیے مدینے سے
زمانہ سیکھے گا تہذیب کربلا سے میاں
یہاں سے روشنی پھوٹی چراغ بجھنے سے
شمر نے کاٹ کے گردن ابھی اٹھایا تھا سر
حسینؑ پھر سے نکل آئے اپنے خیمے سے
میثم علی آغا
No comments:
Post a Comment