کیوں قلب ستمگر میں ہے کہرام نیا سا

 عارفانہ کلام حمد نعت منقبت

کیوں قلبِ ستمگر میں ہے کہرام نیا سا

زنجیر سے یہ کس نے لیا کام نیا سا

اے میرے قلم باندھ کے احرام نیا سا

کر مدحتِ سجادؑ میں کچھ کام نیا سا

نکلا تھا میں سجادؑ کی مدحت کے سفر میں

منظر نظر آیا مجھے ہر گام نیا سا

قیدی ہے پہ حیدرؑ کی طرح بول رہا ہے

انداز ہے عابدؑ کا سرِ شام نیا سا

ہر اک کی سزا طے ہے پہ اے دشمنِ سجادؑ

ہونا ہے تِرا حشر میں انجام نیا سا

بے دِین، گُنہگار، نصیری بھلا کب تک؟

دے عشقِ علیؑ میں مجھے الزام نیا سا

جس طرح کیا خار کو دُر تم نے سرِ راہ

اس طرح ہو اس فخر پہ اکرام نیا سا

فخر عباس رضوى