عارفانہ کلام حمد نعت منقبت
مدینے پاک سے جو لوگ لو لگاتے ہیں
خود اپنے در پہ انہیں مصطفیٰؐ بلاتے ہیں
غموں کی دھوپ کبھی ان چھو نہیں سکتی
لبوں پہ ڈالی درودوں کی جو سجاتے ہیں
خدا کے فضل سے مداح مصطفیٰﷺ ہیں ہم
ہمیشہ عشق میں نعت نبیﷺ سناتے ہیں
انہی کے گھر میں تو ہوتی ہے بارش رحمت
نبیﷺ کی شان میں جو محفلیں سجاتے ہیں
رسول پاکﷺ کی الفت میں نعت پڑھتے ہوئے
تصورات میں ہم بھی مدینے جاتے ہیں
نبیﷺ کے دیں کی حفاظت کے واسطے واللہ
حسینؑ ابن علیؑ گھر کا گھر لٹاتے ہیں
نظامی شاد وہ رہتے ہیں بزم دنیا میں
ہمیشہ پاؤں جو ماں باپ کے دباتے ہیں
امیر حمزہ نظامی
No comments:
Post a Comment