عارفانہ کلام حمد نعت منقبت
جب بھی کوئی کرتا ہے گُفتگو مدینہ کی
اور بھی رُلاتی ہے آرزو مدینہ کی
مسکن محمدﷺ کا احترام لازم ہے
گُفتگو نہیں کرنا بے وضو مدینہ کی
ان کے دل میں بھی مولیٰ عشقِ مصطفیٰ بھر دے
جو کبھی نہیں کرتے گُفتگو مدینہ کی
خاک پر مدینہ کی نقشِ پائے احمدﷺ ہیں
ویسے ہی نہیں شہرت کو بکو مدینہ کی
دیکھنا مدینہ میں، میں ضرور جاؤں گا
رنگ لائے گی آخر جستجو مدینہ کی
ناظم اشرف بجنوری
No comments:
Post a Comment