کیا کہیے جاں نوازیٔ پیکانِ یار کو
سیراب کر دیا دلِ منت گزار کو
جوشِ شباب و تشنۂ صہبا، ہجوم شوق
تعبیر یوں بھی کرتے ہیں فصلِ بہار کو
ہر ذرہ آئینہ ہے کسی کے جمال کا
تھی بوئے دوست موجِ نسیمِ سحر کے ساتھ
یہ اور لے اڑی مِری مُشتِ غبار کو
کچھ اور ہی فضا دلِ بے مدعا کی ہے
دیکھا ہے روزِ وصل و شبِ انتظار کو
اصغرؔ نشاطِ روح کا اِک کھِل گیا چمن
جُنبش ہوئی جو خامۂ رنگیں نگار کو
اصغر گونڈوی
No comments:
Post a Comment