پھول گل دان میں سجا رکھنا
ان کی یادوں سے رابطہ رکھنا
زندگی حسن کا تبسم ہے
لب تبسم سے آشنا رکھنا
دم نہ گھٹ جائے بند کمرے میں
خامشی ہو تو خوف آتا ہے
گفتگو کا بھی سلسلہ رکھنا
روشنی کی طلب رہے نہ رہے
گھر میں لیکن دِیا جلا رکھنا
ساز دل زندگی کی دھڑکن ہے
دل کو ہر آن جاگتا رکھنا
بیخودی بے حسی نہ بن جائے
بے شعوری سے فاصلہ رکھنا
چار دن کی بہار کیا معنی
زندگی بھر کا واسطہ رکھنا
اور جب خواب ٹوٹ جائیں سروشؔ
دل کو پابندِ حوصلہ رکھنا
اختر سروش
No comments:
Post a Comment