‎رات آنکھوں میں تھمی ہے نیند ہے اور خواب ہے

‎زندگی ہے، آدمی ہے، نیند ہے اور خواب ہے

‎پھر سکوتِ دائمی ہے، نیند ہے اور خواب ہے

‎دل میں بارش ہو رہی ہے، دھوپ ہے وجدان میں

‎برف پلکوں پر "جمی" ہے، نیند ہے اور خواب ہے

‎بے قراری،۔ بے کلی،۔ بے اختیاری،۔ بے دلی

‎بے خودی ہے, بے دمی ہے، نیند ہے اور خواب ہے

‎بھینی "بھینی" گیلی "مٹی" کی مہک کمرے میں ہے

‎گاؤں کی "کچی" زمیں ہے، نیند ہے اور خواب ہے

‎آنکھ "کھل" جائے تو رہ جائے "ادھوری" داستاں

‎یہ "تعلق" باہمی ہے، نیند ہے اور خواب ہے

‎صبح" ہو جاتی ہے لیکن،۔ "دن" نکلتا ہی نہیں"

‎رات آنکھوں میں تھمی ہے نیند ہے اور خواب ہے

‎کرب اور "تکلیف" اسود "جاگتے" رہنے میں ہے

‎بے غمی ہی بے غمی ہے، نیند ہے اور خواب ہے

بلال اسود