حاصلِ تمنا
چاند کی تمنا میں
دور تک گئی مگر لوٹ آئی
خوابوں کی دنیا حسین ہے
مگر مجھے عزیز اپنی زمین ہے
اس کے دکھ
اس کی خوشیاں
اچھی ہیں کہ پاس ہیں
خواب تو پل میں ٹوٹ جاتے ہیں
اور ٹوٹ کر بکھر جاتے ہیں
بکھر کر انجانے دکھ دے جاتے ہیں
جیسے کسی کو چاہنے کا دکھ
جیسے کسی کو کھو دینے کا دکھ
جیسے کسی سے بچھڑ جانے کا دکھ
جیسے کوئی بچہ ہو
اپنے کھلونے ٹوٹ جانے پر اداس
مریم تسلیم کیانی
No comments:
Post a Comment