سوال کو طرزِ منفرد سے اٹھا رہا ہوں

سوال کو طرزِ منفرد سے اٹھا رہا ہوں

اگر میں سب سے جدا رہا ہوں تو کیا رہا ہوں

عجیب حرکت ہے زندگی کے جمود میں بھی

پڑا ہوں بستر پہ، اور لگتا ہے جا رہا ہوں

کسی نے دیکھا نہیں ہے جس کو وہ خواب دیکھا

جسے سنایا نہیں گیا ہے، سنا رہا ہوں

یہ زندگی ہے اگر اُدھر بھی جو ہے اِدھر بھی

ہو علم کیسے میں جا رہا ہوں، کہ آ رہا ہوں

کسی نے چلنے کا کہہ دیا تو نہیں رکا میں

اگر کسی نے کہا کہ رک جا، کھڑا رہا ہوں میں

چبائے جاتے ہیں ایک دوجے کو درد، اور میں

یہ مجھ کو اندر میں اس کو باہر سے کھا رہا ہوں

علی شیران