ٹُوٹے سکوت بزمِ نظر کا اے خواب آ
بَن میں مِری حیات کے اے آفتاب، آ
بِچھ جائے گی شبوں میں ستاروں کی انجمن
اے جانِ انجمن! اے رُخِ مہتاب، آ
نغمہ کوئی تو جشنِ بہاراں کے لب کو دے
شاخوں کو انتظار ہے رُوئے گلاب آ
اس کرۂ نگاہ و دل و فکرِ ذات میں
ساری محبتوں کے اے عہدِ شباب آ
جذبوں کو بھی زبان دے کمالِ سخن دکھا
ساحر قلوب و چشم کے جانِ خطاب آ
چھایا ہے تُو طلب کے زمان و مکان میں
ہر اک جنم میں دل کے مِرے انتخاب آ
عابدہ تقی
No comments:
Post a Comment