مٹی نہ تشنگی آبِ رواں کے ہوتے ہوئے
جُھلستا رہ گیا میں سائباں کے ہوتے ہوئے
ہوئی نہ قدر مِری قدر داں کے ہوتے ہوئے
رہا میں خاک بہ سر مہرباں کے ہوتے ہوئے
لُٹے ہیں دن کے اُجالے میں ہم سرِ بازار
زمیں کے سامنے اور آسماں کے ہوتے ہوئے
نظامِ جبر بالآخر شکست کھائے گا
تُفنگ و خنجر و تیغ و سِناں کے ہوتے ہوئے
تمہیں تو دعوئ منصورِ وقت تھا شاہیں
خموش کیوں رہے منہ میں زباں کے ہوتے ہوئے
شاہین بیگ
No comments:
Post a Comment